Avropa Liqasının qrup mərhələsində keçiriləcək "Qarabağ" - "Anderlext" qarşılaşmasının biletləri sabahdan satışa çıxarılacaq.
Sportarena.az klubun saytına istinadən xəbər verir ki, biletləri sabah saat 10:00-dan etibarən oyunun keçiriləcəyi Tofiq Bəhramov adına Respublika stadionunun kassalarından almaq mümkün olacaq.
Biletlər nömrəli sektorlar üzrə 2,3,5, 8,10, 15 və 20 AZN-dir. VİP 50 AZN-dir.
"Qarabağ" azarkeşlərdən biletləri sadəcə kassalardan məhz göstərilmiş qiymətlərlə almalarını xahiş edib.
Biletlər məhz kassalarda qeyd olunmuş qiymətlərlə satıldığı bildirilib.
Qeyd edək ki, "Qarabağ" - "Anderlext" qarşılaşması oktyabrın 1-i keçiriləcək.