"Çox çətin oyun oldu. Rəqibi təhlil etmişdik. Bilirdik ki, bizi təzyiq altında saxlayacaqlar. Elə də oldu. Amma əlimizə düşən şansları dəyərləndirə bilsəydik, onları burda əliboş göndərə bilərdik".
Bu sözləri Sportarena.az-a açıqlamasında "Xəzər Lənkəran"ın müdafiəçisi Elvin Mirzəyev deyib. Gənc futbolçu Premyer Liqanın VI turunda "Zirə"yə 0:1 hesabı ilə məğlub olduqları oyun haqda fikirlərini açıqlayıb:
"Şanslarımız çox oldu. Sadəcə,son nöqtəni qoya bilmədik. Fürsətləri boşa verdik. Sırf bu səbəbdən qələbə qazana bilmədik. Şanslardan istifadə edə bilsəydik, hər şey fərqli ola bilərdi".
Vüsal MİRZƏYEV