"Növbəti turda bizi "Sumqayıt"la oyun gözləyir. Bu oyuna da digər matçlara olduğu kimi hazırlaşırıq".
Bu sözləri Sportarena.az-a açıqlamasında "Kəpəz"in baş məşqçisi Şahin Diniyev deyib. Təcrübəli mütəxəssis Premyer Liqanın VII turu çərçivəsində "Sumqayıt"la ev oyunu haqda fikirlərini açıqlayıb:
"Bizə mütləq qələbə lazımdı. Ona görə də ciddi hazırlaşırıq. "Sumqayıt" pis komanda deyil. Düşünürəm ki, bizi olduqca maraqlı və prinsipial oyun gözləyir".