Avropa Liqasının qrup mərhələsinin II turu çərçivəsində baş tutacaq “Qarabağ” – “Anderlext” qarşılaşmasından öncə keçiriləcək mətbuat konfranslarının vaxtı məlum olub. Sportarena.az klubun saytına istinadən xəbər verir ki, əvvəlcə ev sahiblərinin mətbuat konfransı və media üçün açıq məşqi olacaq.
Belə ki, “Qarabağ”ın baş məşqçisi Qurban Qurbanov və komandanın futbolçularından biri 15:00-da Tofiq Bəhramov adına Respublika stadionunun mətbuat zalında jurnalistlərin suallarını cavablandıracaq. “Anderlext”in çalışdırıcısı Besnik Hasi isə 19:30-da mətbuat konfransında iştirak edəcək.
“Qarabağ”ın açıq məşqi 18:30-da klubun Suraxanıdakı bazasında olacaq. Qonaqların açıq məşqi isə 20:00-da Tofiq Bəhramov adına Respublika stadionunda baş tutacaq.