Premyer Liqanın VII turunun mərkəzi oyunu "İnter"lə "Qarabağ" arasında olacaq. "Bankirlər" Ağdam klubu ilə matça ciddi itkilərlə çıxacaq.
Bu barədə Sportarena.az-a açıqlamasında klubun mətbuat xidmətinin rəhbəri Səbuhi Məmmədov məlumat verib. Onun sözlərinə görə, "İnter"in aparıcı futbolçuları prinsipial oyunu buraxacaqlar.
Bunlar Rauf Əliyev, İavn Benitez, Laşa Kasradze və Dieqo Martinsdi. İlk 3-ü zədə səbəbindən oymayacaqlarsa, sonuncu "Kəpəz"lə matçda qırmızı vərəqə gördüyündən "İnter"ə kömək edə bilməyəcək.
Qeyd edək ki, "İnter" - "Qarabağ" matçı oktyabrın 4-ü, saat 19:00-da başlayacaq.