FİFA milli komandaların növbəti reytinq cədvəlini açıqlayıb. Sportarena.az xəbər verir ki, açıqlanan son siyahıda yığmamızın mövqeyində də dəyişiklik olub. Komandamız ötən ayla müqayisədə 5 pillə irəliləyəyib. Robert Prosineçkinin yetirmələri 328 xalla 105-ci pilləyə yüksəliblər.
"Avro-2016"nın seçmə mərhələsindəki rəqiblərimizdən İtaliya 1 pillə geriləyərək 17-ci pilləyə yuvarlanıb. Xorvatiya 16-cı (-2), Norveç 34-cü (+35), Bolqarıstan 78-ci (-10), Malta isə 159-cu (+3) yeri tutur.
Siyahıya Amerika kubokunun ikincisi Argentina yığması başçılıq edir. Son dünya çempionu Almaniya yığması ikinci, Belçika isə üçüncüdür.