"Çox ciddi hazırlaşırdıq. Evdə xal götürməyə köklənmişdik, 3 xal qazandıq, sevindirici haldır."
Sportarena.az xəbər verir ki, bu sözləri Avroliqanın qrup mərhələsinin 2-ci turunun oyununda "Anderlext"i 1:0 hesabı ilə məğlub edən "Qarabağ"ın futbolçusu Qara Qarayev jurnalistlərə açıqlamasında deyib:
"Azarkeşlərimizə təşəkkür edirəm, bizə dəstək oldular. Komandamız yığışanda yaxşı oyun göstərir. Azarkeşlərimizin önündə oynamaq bizə əlavə güc verir. Bu gün şans da bizim tərəfdə idi. "Anderlext" də təhlükəli hücumlar qururdu. Ancaq bu qələbə baş gicəlləndirməməlidir. İkinci hissədə məcburiyyətdən müdafiəyə çəkildik, riskə getmək istəmirdik. Ona görə də diqqətli olmalıydıq".