Aşağı yaş qruplarında AFFA-nın təşkil etdiyi Liqalarda 2015/2016 mövsümünə start verilib. Sportarena.az xəbər verir ki, ilk 3 turda maksimum nəticə qazanmış "Sumqayıt" Futbol Klubunun 15 yaşadək futbolçulardan ibarət komandası 4-cü oyunda da qələbə qazanıb.
"Ağsu" ilə üz-üzə gələn komanda 8:0 hesablı qələbəyə imza atıb. Bu görüşdə "Sumqayıt" FK-dan qolları Xanbala Əlizadə, Kənan Əşrəfli, Rüfət Abdullazadə, Tofiq Nəsibov, Rüft Salayev, İbrahim Mansurov və Yusif Rüstəmli vurub.
U-17 komandası da Liqaya qələbə ilə başlayıb. "Sumqayıt" FK U-17 "İnter"i 2:0 hesabı ilə üstələyib.
Bundan başqa, "Sumqayıt" FK U-10 15:0, U-11 isə 12:1 hesabı ilə UGİM-i (Xızı) məğlubiyyətə uğradıb. 13 və 14 yaşadək futbolçulardan ibarət komanda isə AZAL-ı müvafiq olaraq 1:0 və 13:0 hesabı ilə məğlub edib.