Premyer Liqanın VII turunun "İnter" - "Qarabağ" oyununda baş verən məlum hadisə birmənalı qarşılanmır. Sportarena.az xəbər verir ki, bu hərəkətinə görə Qurban Qurbanovu alqışlayanlar çox olsa da, onu qınayanlar da var. Bu gün olayın əsas qəhrəmanlarından olan Elvin Əsgərov da öz fikirlərini bildirib. Matçın baş hakimi sosial şəbəkədəki hesabından penalti qərarının doğru olduğunu yazıb:
"Penalti var. Burda "fair-play"in yeri yoxdu. Bu hərəkət hakimə qarşı hörmətsizlikdi. Diqqətlə baxsan, qapıçı topa toxunduqdan sonra bilərəkdən ayağını qaldırır və hücumçunu dizindən vurur. Söz-söhbəti üzərindən belə götürmürlər. Düz olan biz, penaltini vurmayıb, hörmət qazanan onlar".