"Avro-2016"nın seçmə mərhələsində keçiriləcək Bolqarıstan - Azərbaycan matçına təyinatlar açıqlanıb. Sportarena.az xəbər verir ki, görüşü Macarıstandan olan hakimlər briqadası idarə edəcək.
Matçda əsas fit sahibi Tomaş Boqnara olacaq. Ona həmyerliləri Peter Beretyan və Qabor Eros köməklik edəcəklər. Teodoros Georgiu isə dördüncü referi funksiyasını yerinə yetirəcək.
Qeyd edək ki, oktyabrın 13-də "Vasil Levski" stadionunda keçiriləcək Bolqarıstan - Azərbaycan oyunu Bakı vaxtı ilə saat 23:45-də başlayacaq.