"Oyuna biz nəzarət etdik və şanslardan yaxşı yararlandıq. Məncə, belə böyük hesabla qalib gəlməyə layiq idik".
Sportarena.az xəbər verir ki, bu sözləri Avstriyanın 21 yaşadək futbolçulardan ibarət yığmasının üzvü Maykl Qreqorits deyib. Millimizin darmadağınında vurduğu 3 qolla əsas pay sahibi olan futbolçu Finlandiya ilə qarşıdakı matçda da qələbə qazanmaq istədiklərini dilə gətirib:
"Bizim məqsədimiz Finalndiyaya qarşı oyunda da qələbə qazanmaqdır. O zaman Almaniyaya səfər oyununa yüksək əhval-ruhiyyədə gedə bilərik".
Qeyd edək ki, dünən U-21 yığmamız "Avro-2017"nin seçmə mərhələsində səfərdə Avstriya seçməsinə 0:7 hesabı ilə uduzub. Millimizin qapısına 3 qol vuran Qreqorits karyerasında ilk het-trikini rəsmiləşdirib.