"Avro-2016"nın seçmə mərhələsində keçiriləcək Azərbaycan - Finlandiya matçının hakimləri müəyyənləşib.
Sportarena.az xəbər verir ki, matçı Serbiyadan olan hakimlər briqadası idarə edəcək. Görüşün baş hakimi Milan İliç olacaq. Ona həmyerliləri Milan Miniç və Srdan Milutinoviç köməklik edəcək. Robert Çepegi isə dördüncü referi funksiyasını yerinə yetirəcək.
Qeyd edək ki, "Dalğa Arena"da keçiriləcək Azərbaycan - Finlandiya oyunu sabah saat 16:00-da başlayacaq.