"Seçmə mərhələnin son oyununu qalib kimi başa vurmaq istəyirik".
Sportarena.az xəbər verir ki, bu sözləri milli komandamızın üzvü Qara Qarayev deyib. Gənc yarımmüdafiəçi "Avro-2016"nın seçmə mərhələsi çərçivəsində sabah Bolqarıstanla keçiriləcək oyun haqda fikirlərini açıqlayıb:
"Çox çətin olacaq. Çünki rəqib güclüdür. Həm də öz meydanında azarkeşlər önündə oynayacaq. Bolqarıstan millisi də, təbii ki, qələbə qazanıb, ili uğurlu başa vurmaq istəyir. Ona görə də sabahkı matç çox çətin olacaq".