21 yaşadək futbolçular arasında keçirilən "Avro-2017"nin seçmə mərhələsinin oyunları davam edir. Sportarena.az xəbər verir ki, 7-ci qrupda mübarizə aparan milli komandamız bu gün növbəti sınağına çıxacaq.
Yaşar Vahabzadənin komandası evdə Finlandiyanı qəbul edəcək. Son matçında səfərdə Avstriyaya 0:7 hesabı ilə uduzan komandamızın qrup lideri ilə görüşdə necə təsir bağışlayacağı maraqla gözlənilir.
Qeyd edək ki, seçmə mərhələnin ilk görüşündə Farer adalarına 1:0 hesabı ilə qalib gələn millimiz ardından evdə Avstriyaya 0:2, Almaniyaya isə 0:3 hesabı ilə uduzub. Son görüşündə isə yığmamız səfərdə Avstriyaya böyükhesabla məğlub olub - 0:7.
13 oktyabr
"Avro-2017"nin seçmə mərhələsi
Azərbaycan - Finlandiya 0:1
Qol: Lassas, 80
Hakimlər: Milan İliç, Milan Miniç, Srdan Milutinoviç və Robert Çepegi (hamısı Serbiya)
Bakı. "Dalğa Arena".