Bu gün “Avro-2016”nın seçmə mərhələsinə yekun vurulacaq.
Sportarena.az xəbər verir ki, milli komandamızın yer aldığı H qrupundan əlavə A və B qrupunda da oyunlar baş tutacaq.
A qrupunda Türkiyə millisi evdə İslandiyanı qəbul edəcək. Fatih Terimin komandası bu görüşdə qalib gələcəyi təqdirdə Avropa çempionatının final mərhələsinə vəsiqə verən pley-off oyunlarına qatılmaq şansı qazanacaq.
Hollandiya millisi də evdə Çexiyanı məğlub etməklə bu şansa yiyələnə bilər. Lakin bunun üçün Türkiyə yığması İslandiya ilə oyunda xal itirməlidir. Bu qrupun digər matçında Latviya Qazaxıstanı qəbul edəcək.
B qrupunda Avropa çempionatının final mərhələsinə vəsiqə qazanan iki komanda - Belçika və Uels son matçını evdə keçirəcək. Belçika öz meydanında İsraili, Uels isə Andorranı qəbul edəcək. Bu qrupda əsas mübarizə üçüncü yer uğrunda gedir. Hazırda üçüncü pillədə qərarlaşan Bosniya və Hersoqovina yığması səfərdə Kiprin qonağı olacaq.
"Avro-2016"nın seçmə mərhələsi, son tur
13 oktyabr
A qrupu
Türkiyə - İslandiya 1:0
Hollandiya - Çexiya 2:3
Latviya - Qazaxıstan 0:1
B qrupu
Belçika - İsrail 3:1
Uels - Andorra 2:0
Kipr - Bosniya və Hersoqavina 2:3
H qrupu
Bolqarıstan – Azərbaycan 2:0
İtaliya - Norveç 2:1
Malta – Xorvatiya 0:1