"Biz mütləq qalib gəlməliyik ki, liderliyə iddiamızı daha da gücləndirək".
Sportarena.az xəbər verir ki, bu sözləri "Qəbələ"nin yarımmüdafiəçisi Dodo deyib. Ölkəsinin mətbuatına danışan braziliyalı futbolçu komandasının çempionluq şanslarını dəyərləndirib:
"Əgər "Qarabağ" xal itirsə və biz qalib gəlsək, birinci pilləyə yüksələcəyik. Belə olan halda, mövqeyimizi mövsümün sonunadək saxlamağa çalışacağıq".
Dodo Avroliqanın qrup mərhələsində "Borussiya"ya qarşı keçirəcəkəri oyuna da toxunub: "Neftçi" ilə matçda həm də buna görə qələbə qazanmalıyıq ki, "Borussiya" ilə oyuna yaxşı motivasiya ola bilək. Bir sözlə, bizim qarşıda iki çətin matçımız var".