Azərbaycan Premyer Liqasının 8-ci turunda səfərdə "Qarabağ"la qarşılaşacaq "Zirə" iki itki ilə üzləşib. Sportarena.az xəbər verir ki, komandanın iki futbolçusu Adil Nağıyev və Tellur Mütəllibov U-21 millimizin düşərgəsindən zədəli qayıdıb.
Adil topuğundan zədələnib. Tellurun isə arxa əzələsində yırtıq aşkarlanıb. T.Mütəllibov komandanın bügünkü məşqinə qatılmayıb. A.Nağıyev isə komandadan ayrı çalışıb.
Qeyd edək ki, oktyabrın 17-də keçiriləcək "Qarabağ" - "Zirə" oyunu saat 18:00-da başlayacaq.