Futbol üzrə Azərbaycan çempionatının U 17 və U 15 liqalarında növbəti turların oyunları keçirilib.
Sportarena.az xəbər verir ki, “Xəzər Lənkəran”ın 17 yaşlı futbolçulardan ibarət komandası ilk turun səfər matçında Vətən RİOEUG komandasına 2:3 hesabı ilə məğlub olsa da II turda “Kəpəz”i qəbul edərək 2:0 hesablı qələbəyə sevinib. Cənub təmsilçisi növbəti turda “Neftçi”nin qonağı olacaq.
U-15 liqasında mübarizə aparan “Xəzər Lənkəran” komandası isə daha uğurla çıxış edir. Belə ki, gənclər ilk turdan bəri keçirdiyi bütün oyularda böyük hesablarla qələbə qazanıb; “Rəvan” – “Xəzər Lənkəran” 0:5, “Xəzər Lənkəran” – “Turan” 3:0, “Ağsu” – “Xəzər Lənkəran” 0:3, “Xəzər Lənkəran” – “Kəpəz” 7:0, Təhsil TFM – “Xəzər Lənkəran” 0:6. Növbəti turda komanda iki yaş böyüklər kimi “Neftçi” ilə səfərdə görüşəcək.