Premyer Liqanın VIII turunda İsmət Qayıbov adına Bakıxanov qəsəbə stadionunda "Qəbələ"ni qəbul edən "Neftçi" son dəqiqələrdə buraxdığı qolla rəqibinə məğlub olub. Sportarena.az-ın stadionda olan əməkdaşının verdiyi məlumata görə, "ağ-qaralar"ın doğma meydanda uduzması yerli azarkeşlərin hiddətinə səbəb olub. Nəticədə fanatlar oyun başa çatan kimi öz futbolçularını fitə basmağa başlayıblar. Futbolçular isə meydanı başıaşağı tərk ediblər.