Avropa Liqasının qrup mərhələsinin növbəti turunda "Borussiya" ölkəmizdə "Qəbələ"nin qonağı olacaq. Sportarena.az xəbər verir ki, Dortmund təmsilçisinin yarımmüdafiəçisi Marko Roys Bakı səfəri öncəsi ölkəsinin mətbuatına danışıb:
"Həm Bundesliqada, həm də Avropa Liqasında mövsümü zirvədə bitirmək asan deyil. Bunun üçün indikindən də yaxşı vəziyyətdə olmalıyıq. "Maynz" üzərində qələbə əhvalımızı artırdı. Ancaq heyətlə bağlı problemlərimiz var. Üstəlik, qarşıda bizi bir-birindən maraqlı oyunlar və sıx təqvim gözləyir. “Qəbələ” ilə oyun üçün uzun yol qət eləməli olacağıq. Bu, futbolçularda yorğunluq yarada bilər. Ancaq bu qarşılaşma bizim üçün çox önəmlidi. Səfərdən qələbə ilə dönməliyik ki, ayın sonuna qədər “Auqsburq”, “Paderborn” və “Verder”lə keçirəcəyimiz görüşlər ərəfəsində əhvalımız korlanmasın”.
Qeyd edək ki, Avropa Liqasında ilk 2 turdan sonra aktivində 4 xal olan “Borussiya” Bundesliqada 2-ci pillədə qərarlaşır və lider “Bavariya”dan 7 xal geri qalır.