Bu gün Bəhmən Həsənov apasport.az saytına açıqamasında "Rəvan"a 3-cü dəfə geridönüşünün mətbuatda xoş qarşılanmamasına "7 dəfə söhbətinə qalanda onda gedin, Fatih Terimi, Böyükağa Hacıyevi güllələyin də" cavabını verib.
Sportarena.az xəbər verir ki, Hacıyev Həsənovun ifadələrinə Sportal.az-a açıqlamasında cavab verib:
"Onun fikirlərinə cavab vermək fikrim yoxdur. Bəhman Həsənov istəyir ki, bu fikirlərlə gündəmə gəlsin. Böyükağa Hacıyev hər "Neftçi"yə gələndə nəticə verib, iki dəfə "Neftçi"yə qaytmışam, minimum hər qayıdanda 2 titul qazanmışam. Qoy Bəhmən Həsənov "Neftçi"də qazandığım nəticələrin 10 faizini qazansın, sonra mənim adım çəksin. Sadəcə Bəhmən Həsənov istəyir ki, mən ona cavab verib gündəmə gəlsin. Amma Bəhmən kim, mən kim. Hər bir məşqçi gərək qazandığı nəticə ilə gündəmdə qalsın".