Ötən həftəsonu və bu həftə AFFA-nın təşkil etdiyi futbol liqalarında növbəti oyunlar keçirilib.
Sportarena.az xəbər verir ki, "Sumqayıt" FK U-17 səfərdə "Neftçi" İK İB-ni 4:3 hesabı ilə üstələyib. Bu oyunda komandadan qolları Nicat Sərdarlı, Tacir Əlizadə (2) və Sahib Cümşüdov vurub.
"Sumqayıt" FK U-15 isə mövsümdə ilk məğlubiyyətini alıb. Komanda "Neftçi"yə 1:2 hesabı ilə məğlub olub. Oyunda yeganə qolu Xanbala Əlizadə vurub.
"Sumqayıt" Futbol Klubunun 10 yaşadək futbolçulardan ibarət komandası "Təhsil"lə 0:0 hesablı heç-heçəyə imza atıb.
U-11 isə "Zirvə"ni 14:0 hesabı ilə məğlubiyyətə uğradıb.
Ötən həftəsonu U-13 komandası "Sərhədçi"yə 4:1 qalib gəlib. Bu oyunda Rüstəm Hümbətov, Sərvin ismayılov, Hüseyn Yusifzadə və Murad Əzizbəyov fərqlənib.
"Sumqayıt" FK U-14 isə "Xəzri"ni 4:0 hesabı ilə məğlub edib. Bu oyunda komandadan qolları Murad Həsənli (2) və Nihad Bağırov vurub.