Premyer Liqanın IX turunda səfərdə “Kəpəz”lə qarşılşacaq “Xəzər Lənkəran” bu gün Gəncəyə yola düşüb.
Sportarena.az "12cioyuncu.info"ya istinadən xəbər verir ki, dünən saat 17:00-da növbəti məşqini keçirən komandanın daha bir hazırlığı bu gün səhər saat 09:30-da baş tutub ki, bu da oyunöncəsi son məşqi əvəz edib.
Saat 11:00-da Lənkəranı tərk edən komanda Gəncəyə çatan kimi şəhərin mərkəzində yerləşən “Gəncə” otelində məskunlaşacaq və sabahı, oyunun başlama saatını gözləyəcək.
Xatırladaq ki, “Kəpəz” – “Xəzər Lənkəran” görüşü Gəncə şəhər stadionunda sabah saat 15:00-da start götürəcək. Oyun CBC Sport kanalı ilə canlı yayımlanacaq.