Premyer Liqanın 9-cu turunda səfərdə "İnter"lə qarşılaşacaq "Rəvan"da maliyyə problemi yaşanır.
Sportarena.az "sportal.az"a istinadən xəbər verir ki, paytaxt təmsilçisinin futbolçularının maaşları verilmir. Rəhbərlik futbolçulara maaşların oktyabrın 5-də veriləcəyini söz versə də, vədinə əməl etməyib. Deyilən vaxtdan 18 gün keçməsinə baxmayaraq futbolçular hələ də əməkhaqqlarını almayıb. Klub rəhbərliyindən söz verilib ki, "İnter"lə matça qədər bütün futbolçuların maaşları ödəniləcək.
Qeyd edək ki, "Rəvan" 8 turdan sonra 2 xalla turnir cədvəlinin sonuncu pilləsində qərarlaşıb.