Tanınmış idman teleşərhçisi Elnur Məmmədli fəaliyyətini “CBC Sport” telekanalında davam etdirəcək.
Sportarena.az xəbər verir ki, bu haqda E.Məmmədli özünün Facebook səhifəsində yazıb. O, uzun götür-qoydan sonra 2007-ci ildən bəri çalışdığı AzTV və “İdman Azərbaycan” kanalından ayrıldığını bildirib.
Məmmədli bundan sonra fəaliyyətini “CBC Sport” kanalında davam etdirəcəyini vurğulayıb. O, bu gün keçiriləcək Premyer Liqanın "Qarabağ" - "Rəvan" oyununu şərh edəcəyini qeyd edib.