"Düşünürəm ki, yaxşı oynadıq. Çox şanslarımız oldu, yalnız birindən istifadə edə bildik. İnşallah, "Sumqayıt"la oyunda qələbə qazanarıq".
Bu sözləri "İnter"lə oyundan sonra Sportarena.az-a açıqlamasında "Neftçi"nin müdafiəçisi Məqsəd İsayev deyib. Gənc futbolçu Premyer Liqanın X turunda "İnter"lə 1:1 bərabərə qaldıqları oyunu şərh edib:
"Hər bir komanda ilə oyun çətin olur. Eləcə də "Sumqayıt"la. Biz həmin oyuna qələbə üçün çıxacağıq".
İsayev "Neftçi"nin cari mövsümdəki uğursuz çıxışının səbəbini də açıqlayıb: "Komanda gəncləşdirilir. Yeni oyunçular gəlib. Tam komplektləşməmişik. Ona görə belə alınır. İnşallah, getdikcə daha da yaxşı olacaq".