Premyer Liqanın XI turunda “Xəzər Lənkəran” səfərdə “Rəvan” klubu ilə üz-üzə gələcək.
Sportarena.az xəbər verir ki, bu qarşılaşma cütlüyün dörd illik tarixində 14-cü matç olacaq. 2009-cu ildə yaranmış və iki il ardıcıl birinci divizionda çıxış edən “Rəvan” klubu 2011/12 mövsümündə Premyer Liqada debüt etmişdir. Debüt ilindəcə paytaxt təmsilçisinin “Xəzər Lənkəran”la keçirdiyi oyunlarda (1:1) eyni hesablı iki heç-heçə qeydə alınıb. Bu hesab 2012/13 və 2013/14 mövsümlərində cütlüyün ilk qarşılaşmalarında da təkrarlanmışdır. Ötən 2014/15 mövsümündə isə “Rəvan” Premyer Liqada çıxış etməmişdi.
“Xəzər Lənkəran” indiyə qədər “Rəvan”la keçirdiyi 13-oyunun 5-də qalib gəlmiş, 3-dəfə məğlub olmuşdur. Qalan 5-görüşdə isə qalib müyyənləşməmişdir. Komanda paytaxt təmsilçisinin qapısına 22-dəfə yola tapa bilmiş, öz qapısından isə cəmi 12-top buraxmışdır. "Xəzər Lənkəran" indiyə qədər “Rəvan” klubu ilə iki dəfə kubok yarışlarında qarşılaşıb və hər iki döyüşü qalib tərk edib – 2:1 və 4:1. “Xəzər Lənkəran” komandası “Rəvan”ı üç dəfə böyük hesabla məğlub etmişdir. Belə ki, komanda paytaxt təmsilçisi üzərində 4.11.2012 və 02.05.2014 tarixlərində baş tutan çempionat oyunlarında eyni – 4:0 hesabı ilə, eləcə də 07.03.2013 tarixində keçirilən ölkə Kuboku 1/4 final mərhələsinin cavab qarşılaşmasında 4:1-hesabı ilə qələbə qazanıb.
Aşağıda “Xəzər Lənkəran” və “Rəvan” klublarının görüşləri ilə bağlı ümumi statistik məlumtlar təqdim olunur:
2011/12 mövsümü, çempionat, təsnifat mərhələsi.
“Rəvan” – “Xəzər Lənkəran” – 1:1
“Xəzər Lənkəran” – “Rəvan” – 1:1
2012/13 mövsümü, çempionat, təsnifat mərhələsi.
“Rəvan” – “Xəzər Lənkəran” – 1:1
“Xəzər Lənkəran” – “Rəvan” – 4:0
2012/13 mövsümü, kubok, 4/1 final mərhələsi.
“Rəvan” – “Xəzər Lənkəran” – 1:2
“Xəzər Lənkəran” – “Rəvan” – 4:1
2012/13 mövsümü, çempionat, final mərhələsi.
“Rəvan” – “Xəzər Lənkəran” – 1:0
“Xəzər Lənkəran” – “Rəvan” – 1:2
2013/14 mövsümü, I dövrə
“Rəvan” – “Xəzər Lənkəran” – 1:1
2013/14 mövsümü, II dövrə
“Xəzər Lənkəran” – “Rəvan” – 1:0
2013/14 mövsümü, III dövrə
“Rəvan” – “Xəzər Lənkəran” – 2:1
2013/14 mövsümü, IV dövrə
“Xəzər Lənkəran” – “Rəvan” – 4 : 0
2015/16 mövsümü, I dövrə
“Xəzər Lənkəran” – “Rəvan” – 1 : 1
Mənbə: 12cioyuncu.info