"Neftçi"nin təşkilati dəstəyi ilə Azərbaycan Dövlət İqtisad Universitetinin daxili futbol çempionatı keçirləcək. Sportarena.az klubun saytına istinadən xəbər verir ki, bu gün ali təhsil ocağında turnirin püşkatma mərasimi baş tutub.
Sabah start götürəcək və bir ay davam edəcək yarışın püşkatma mərasimində "Neftçi"nin Müşahidə Şurasının üzvü Bəhram Bağırzadə, AzDİU-nun daxilində fəaliyyət göstərən Tələbə Gənclər Təşkilatının sədri Yusif Məmmədzadə, komandanın kapitanı Araz Abdullayev və klubun azarkeşlərlə iş üzrə koordinatoru Kənan Hənifəyev iştirak ediblər. Qalib komanda "Neftçi" tərəfindən mükafatlandırılacaq.