FİFA milli komandaların yeni reytinq siyahısını açıqlayıb.
Sportarena.az xəbər verir ki, Azərbaycan milli komandası 105-ci pillədəki mövqeyini itirib. Belə ki, yığma komandamız 10 pillə geriləyərək 293 xalla 115-ci pillədə qərarlaşıb. Millimizin geriləməsinə səbəb Avro-2016-nın seçmə mərhələsində İtaliya (1 - 3) və Bolqarıstanla (0 - 2) keçirilən qarşılaşmalarda məğlub olmasıdır.
Qeyd edək ki, siyahıya 1440 xalla Belçika millisi başçılıq edir. Son dünya çempionu Almaniya 2-ci, mundialın finalçısı Argentina isə 3-cü pillədə qərarlaşıb.