"Zirə"nin 19 yaşlılardan ibarət komandası "Sumqayıt"la qarşılaşıb. Matç 1:0 hesabı ilə Zirə təmsilçisinin xeyrinə başa çatıb.
Oyundan sonra "Zirə"nin baş məşqçisi Fizuli Məmmədov Sportarena.az saytına danışıb:
"Oyunda komandam mübarizəli, əzmkar və layiqli qələbə qazandı. Çoxlu qol epizodlarımız oldu. Rəqibə isə demək olar ki, şans vermədik. Çətin olsa da, qələbə qazandıq. Bu qələbədən sonra turnir cədvəlində "Qəbələ" ilə eyni xala sahib olduq və 1, 2-ci yerləri bölüşürük. Unutmayın, bu yerdə möhkəmlənmək üçün meydanda ölməyə belə hazır olmaq lazımdır. Komandamızın istəyi, əzmkarlığı bizi bu yerə gətirib. Qələbədə payı olan oyunçularıma, adminstrativ heyətə, həkim personalına (Mahir və Rauf həkim), məşqçilər heyətinə və əlbətdə ki, rəhbərliyə təşəkkürümü bildirirəm. Bu bizim bərabərliyimizin, işimizin və ən vacib bir nöqtəyə vurmağımızın bəhrəsidir. Sizlərsiz heç nə edə bilmərik. Sağ olun ki, varsınız!"