21 yaşadək futbolçulardan ibarət komandalar arasında Avropa çempionatının seçmə mərhələsində bu gün Bayıl stadionunda keçiriləcək Azərbaycan – Rusiya qarşılaşması və Bakı Olimpiya Stadionunda təşkil olunacaq Azərbaycan – Moldova beynəlxalq yoldaşlıq oyunu canlı yayımlanacaq.
Sportarena.az xəbər verir ki, sözügedən matçlar "CBC Sport" televiziya kanalında birbaşa nümayiş olunacaq.
Azərbaycan U-21 – Rusiya U-21 oyunu saat 17:00-da, Azərbaycan – Moldova qarşılaşması isə saat 21:00-da başlayacaq.