"Neftçi" noyabrın 22-də Topaz Premyer Liqasının XIII turu çərçivəsində "Xəzər Lənkəran" klubunun qonağı olacaq. Sportarena.az xəbər verir ki, "Xəzər Lənkəran" mərkəzi stadionunda baş tutacaq oyun saat 18:00-da start götürəcək.
"Ağ-qaralar", ümumilikdə bu komanda ilə indiyədək 34 çempionat oyununda qarşılaşıb. Bu görüşlərdən 12-də qələbə qazanan paytaxt klubu 7-də məğlub olub.
15 oyunda isə heç-heçə qeydə alınıb. Top fərqi də "Neftçi"nin xeyrinədir – 39:28.