29.11.2015-ci il tarixdə “Bakcell Arena”da keçiriləcək və saat 17:00 başlanacaq “Neftçi” - “Qarabağ” matçında meydan sahiblərinin 2 azarkeşi “Lenovo Brand Shop Azerbaijan”dan mobil telefon və planşet qazanmaq şansı əldə edəcək. Sportarena.az xəbər verir ki, paytaxt klubunun bunun üçün müəyyənləşdirdiyi şərtlər də çox sadədir.
1. Azarkeş OYUN ZAMANI stadionda selfi çəkdirir (selfi tribunada çəkilməli və fonda meydança görünməlidir).
2. Azarkeş çəkdiyi fotonu noyabrın 30-u, saat 16:00-a kimi ÖZ SƏHİFƏSINDƏ #neftchilenovo “hashtag”ı ilə paylaşmalıdır.
3. Şəkil çəkdirən “Neftçi” azarkeşinin əynində klubun heç olmasa bir ədəd rəmzi olmalıdır. (Şərf, forma, yaxud papaq)
4. Hər azarkeş ancaq 1 şəkil paylaşa bilər.
5. Müsabiqənin iştirakçısı NEFTÇİ PFK-nın Facebook səhifəsinin üzvü olmalıdır.
Qalib necə seçiləcək?
İştirakçılar arasından qalib səsvermə yolu ilə seçiləcək. Azarkeşlərin “hashtag”da paylaşdığı şəkillər klubun rəsmi səhifəsində 1 dekabr saat 19:37-də təkrar paylaşılacaq. 3 gün davam edəcək səsvermə 4 dekabr saat 19:37-də yekunlaşacaq.
Səhifədə ən çox “like” toplayan fotonun sahibi “Lenovo Brand Shop Azerbaijan”dan LENOVO K3 NOTE mobil telefonu, ikinci yerin sahibi isə LENOVO TAB2 A7-10 planşetini qazanacaq.
Hədiyyələr sahiblərinə Topaz Premyer Liqasının 15-ci tur çərçivəsində keçiriləcək “Neftçi” – “Zirə” oyununun fasiləsində təqdim olunacaq.
Müsabiqəyə keçid:
https://www.facebook.com/NeftciPFK/photos/a.194690867230064.46427.194681353897682/1081367655229043/?type=3&theater
Xatırladaq ki, bir müddət əvvəl “Neftçi” PFK-nın rəsmi Facebook səhifəsində keçirilmiş üzvlük kartları ilə bağlı yarışın, eləcə də “Bakcell Arena” stadionunda uşaqlar arasında təşkil olunmuş müsabiqənin qalibləri klub tərəfindən mükafatlandırılmışdı.