Sabah "Zirə" ilə səfərdə qarşılaşacaq "Xəzər Lənkəran" bu gün oyunöncəsi son məşqini keçirəcək.
Sportarena.az "12cioyuncu.info" saytına istinadən xəbər verir ki, bu gün səhər saat 09:00-da Lənkərandan şimal istiqamətində yolla düşən komanda paytaxta çatdıqdan sonra "New Baku" otelində məskunlaşıb.
Cəmi iki saatlıq istirahətin ardından, saat 16:30-da komanda Zirə İdman Kompleksinin stadionunda oyunöncəsi son məşqini keçirəcək. Məşqin ardından otelə dönəcək “Xəzər Lənkəran” oyunun başlama saatına qədər istirahətə çəkiləcək.
Xatırladaq ki, "Zirə" – "Xəzər Lənkəran" görüşü sabah, noyabrın 28-də Zirə İdman kompleksinin stadionunda baş tutacaq.