"Qəbələ"nin Avropa Liqasının qrup mərhələsindəki rəqibi PAOK Yunanıstan superliqasında növbəti matçına çıxıb. Sportarena.az xəbər verir ki, Saloniki təmsilçisi 12-ci turda səfərdə "Kalloni"nin qonağı olub.
Matç PAOK-un qələbəsi ilə başa çatıb. Görüşün 7-ci dəqiqəsində hesabda geri düşən PAOK daha sonra 3 qol vurmaqla matçdan qalib ayrılıb.
Qeyd edək ki, bu qələbədən sonra xalını 19-a yüksəldən PAOK turnir cədvəlinin 5-ci pilləsində qərarlaşıb.