FİFA 2018-ci ildə Rusiyanın paytaxtı Moskvada keçiriləcək dünya çempionatının oyunlarının başlanma saatlarını açıqlayıb.
Turnirin açılış matçı iyunun 14-də, yerli vaxtla 18:00-da (Bakı vaxtı ilə 19:00) start götürəcək.
Turnirin ən tez başlayacaq görüşü iyunun 16-da Moskva vaxtı ilə 13:00-da keçiriləcək. Elə həmin gündə mundialın ən gec qarşılaşması baş tutacaq (22:00).
Digər günlərdə isə oyunlar saat 15:00-21:00 aralığında baş tutacaq.
"Lujniki” stadionunda təşkil olunacaq final görüşünün start fiti 18:00-da veriləcək.
Qeyd edək ki, mundialın final mərhələsinin püşkatması 2017-ci il, dekabrın 1-də keçiriləcək. Turnir iyunun 14-dən iyulun 15-nə qədər davam edəcək