"Oyun bizim üçün çətin olacaq. Çünki "Qəbələ" yaxşı komandadır, Avropa Liqasında çıxış edib. Rəqibin heyətində yaxşı futbolçular var, onlar da bizim kimi çempionatda iddialıdırlar".
Sportarena.az xəbər verir ki, bu sözləri "Neftçi"nin futbolçusu Sesilio da Silva Kaue klubun televiziyasına açıqlamasında deyib.
Braziliyalı futbolçu Azərbaycan Premyer Liqasının 16-cı turunda qarşılaşacaqları "Qəbələ"yə hörmətlə yanaşdıqlarını bildirib: "Qəbələ"yə hörmət edirik. Bu qarşılaşmaya ciddi yanaşmalıyıq, çünki səfərdə oynayacağıq. Əlimizdən gələni edəcəyik ki, yaxşı nəticə qazanaq".
Qeyd edək ki, sabah keçiriləcək "Qəbələ" - "Neftçi" oyunu saat 15:30-da başlayacaq.