İdman Araşdırmalar Mərkəzinin həyata keçirdiyi "İlin Qalibləri-2015" layihəsinin mükafatlandırma mərasimi keçirilib. Sportarena.az xəbər verir ki, bu gün "Qafqaz Point" otelində keçirilən tədbirdə başa çatmaqda olan ilin ən yaxşılarının adları açıqlanıb və onlara mükafatlar təqdim edilib.
KİV nümayəndələri arasında sorğu nəticəsində 8 nominasiya üzrə fərqlənənlər idman ictimaiyyətinin tanınmış nümayəndələri tərəfindən mükafatlandırılıblar. İdman Araşdırmalar Mərkəzinin ardıcıl 3-cü il həyata keçirdiyi layihənin qalibləri arasında "Qəbələ" İdman Klubu da yer alıb.
2014/15 mövsümünü bürünc medalla başa vuran, Avropa Liqasında 4 təsnifat mərhələsini keçərək, qrupa vəsiqə qazanan "qırmızı-qaralar" "İlin komandası" nominasiyasının qalibi olub. Mükafat klubun vitse-prezidenti Fariz Nəcəfova təqdim edilib.
Tədbirdə çıxış edən Nəcəfov komandanın ən yaxşı seçildiyi üçün respondentlərə və təşkilatçılara təşəkkür edib: "Әgәr qazandığımız qәlәbәlәrlә xalqımızı sevindirə bilmişiksә, buna çox şadıq. Bu uğurları bizimlә birlikdə yaşayan mediaya tәşәkkür edirәm. İdmanımıza təmənnasız dәstәk olan hәr kәsә minnətdaram".