"Qəbələ" ilə yol ayrımında olan Vüqar Nadirov yenidən sabiq klubuna dönə bilər. Sportarena.az xəbər verir ki, təcrübəi hücumçunun adı "Qarabağ"la yanaşı hallanmağa başlayıb.
Mövsümün əvvəlində Ağdam klubunu "Xəzər Lənkəran"a dəyişən Vüqar FİFA-nın məlum qadağasına görə "Qəbələ"yə üz tutmuşdu. Ancaq burda da əsas heyətə düşməkdə çətinlik çəkən futbolçunu Roman Qriqorçuk komandasında görmək istəmir. Elə Nadirov özü də oynamağı klubda qalmaq niyyətində deyil.
Yayılan xəbərlərə inansaq, Nadirov yenidən "Qarabağ"ın formasını geyinə bilər. Lakin hələlik bu barədə heç bir tərəfdən açıqlama verilmir.