Bu gün AFFA İntizam Komitəsinin (İK) növbəti iclası keçirilib. Sportarena.az xəbər verir ki, toplantıda uşaq liqaları ilə bağlı cəzalar da açıqlanıb.
U-16 Liqasının “Kəpəz” – AZAL matçında qonaqların iştirak etməməsinə görə kluba 0:3 hesablı texniki məğlubiyyət verilib.
Boulevard Hotel U-15 Liqasının “Təhsil” TFM – “Zirə” matçında ev sahiblərinin heyətində turu buraxmalı olan oyunçu meydana cıxdığına görə kluba 0:3 hesablı texniki məğlubiyyət verilib.
Coca- Cola U-13 Liqasının UGİM (Göyçay) – “Məhsul” (Zərdab) matçında meydan sahiblərinin heyətində yetərsay olmamasına görə kluba 0:3 hesablı texniki məğlubiyyət verilib.
Boulevard Hotel U-15 Liqasının “Neftçi” İK İB – “Turan” İB matçının 62-ci dəqiqəsində meydan sahiblərinin baş məşqiçisi Meyhan Yunusov hakimlər briqadasın təhqir etdiyinə görə texniki zonadan kənarlaşdırıldığı üçün 5 oyunluq cəzalanıb.
Bakcell U-17 Liqasının “Xəzər Lənkəran” – “İnter” matçının 82-ci dəqiqəsində qonaqların futbolçusu Fəhmin Hüseynli hakimi təhqir etdiyinə görə qırmızı vərəqə alaraq meydandan kənarlaşdırıldığı üçün 4 oyunluq cəzalanıb. Oyunun 65-ci dəqiqəsində meydan sahiblərinin baş məşqçisi Ağadadaş Həmidov və qonaqların çalışdırıcısı Xəyal Mustafayev texniki zona qaydaların pozduğuna görə texniki zonadan kənarlaşdırıldığı üçün hər biri 1 oyun cəzalanıb.
Bakcell U-17 Liqasının “Bakı” – “Kəpəz” matçının 75-ci dəqiqəsində qonaqların futbolçusu Ruslan Həsənov rəqibi vurduğuna görə birbaşa qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanıb.
U-16 Liqasının “Neftçi” – “Xəzər Lənkəran” matçının 76-cı dəqiqəsində qonaqların futbolçusu Şükür Babayev hakimi təhqir etdiyinə görə qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanıb.