Ukraynada televiziyalarından birində qonaq olan “Qəbələ”nin çalışdırıcısı Roman Qriqorçuk Azərbaycandakı fəaliyyətindən danışıb.
Sportarena.az xəbər verir ki, o, İdman Araşdırmalar Mərkəzi tərəfindən ilin ən yaxşı baş məşqçisi seçilməsi haqqında da fikirlərini bildirib. Qriqorçuk bu mükafatın onun üçün dəyərli olduğunu bildirib: “Bu mükafat üçün çox şadam. Sadəcə əsas diqqətimi bura yönəltməli deyiləm. Mən komandamla uğurlara imza atmaq istəyirəm. Biz bir ailəyik”.
Ukraynalı çalışdırıcı komandasının hədəflərinə də toxunub: “Bizim əsas hədəfimiz çempionluqdur. Həm Premyer Liqada, həm də kubokda uğur qazanmaq istəyirik. Əlbəttə ki, “Qarabağ” çempionatda əsas favoritdir. Biz də onlarla mübarizə apara biləcək komanda yaratmaq niyyətindəyik”.