“Xəzər Lənkəran” dövrələrarası fasilədə hazırlıqlara start vermək üçün yanvarın 8-də bir araya gələcək. Sportarena.az xəbər verir ki, komanda cümə günü doğma şəhərdə toplanacaq.
Klubun bazasında məşqlərə başlayacaq Yunis Hüseynovun yetirmələri 5 günlük hazırlığın ardından paytaxta yollanacaq. Gələn həftənin cümə axşamı, yanvarın 14-dən etibarən “Xəzər Lənkəran” qış toplantısını Bakıda davam etdirəcək.
Yeni futbolçuların da heyətə cəlb olunub-olunmaması məhz paytaxtda keçiriləcək hazırlıqlar zamanı bəlli olacaq. (12cioyuncu.info)