FİFA 11.01.2016-cı il tarixində AFFA-ya məktub ünvanlayaraq FİFA-nın Nizam-İntizam Komitəsinin “Bakı” klubu haqqında qərar qəbul etdiyini bildirib.
Sportarena.az AFFA-nın rəsmi saytına istinadən xəbər verir ki, “Bakı” klubu ilə həmin klubda çıxış etmiş futbolçu Adnan Barakat arasında bağlanmış müqavilə şərtlərinə klubun riayət etməməsi səbəbindən klubun cari mövsüm aktivindən 6 xal silinməsi göstərilib.
Yuxarıda göstərilənləri nəzərə alaraq, AFFA-nın İntizam Komitəsi aşağıdakı qərarı qəbul edib:
- Azərbaycan birinci divizion yarışlarında "Bakı"nın cari mövsüm aktivindən 6 xal silinib.
- 27 dekabr 2015-ci il futzal üzrə Azərbaycan birinciliyinin II dəstəsinin “Titan” – “Port Baku” matçı başa çatdıqdan sonra “Titan” klubunun 10 nömrəli futbolçusu Zaur Səmədov hakimə qarşı fiziki təzyiq göstərməyə cəhd etdiyinə görə 5 oyun cəzalanıb.