Gürcüstan milli komandasının baş məşqçisi Kaxaber Sxadadze istefaya göndərilib.
Sportarena.az xəbər verir ki, bu barədə Gürcüstan Futbol Federasiyasının prezidenti Levan Kobiaşvili məlumat verib. O, Tsxadadze ilə razılıq əldə edə bilmədiklərini bildirib. Kobiaşvili Kaxanı özünə qarşı hörmətsizlikdə günahlandırıb. Federasiya prezidenti yaxın günlərdə İcraiyyə Komitəsinin iclasında Kaxaber Sxadadzenin istefasının rəsmiləşəcəyini bildirib: "Artıq qərarımı vermişəm. Sxadadze bir daha milli komandada çalışmayacaq".
Qeyd edək ki, Kaxaber Sxadadze 2014-cü ilin dekabrında Gürcüstan milli komandasına baş məşqçi təyin edilib. O, 2015-ci ilin iyununadək "İnter"də də eyni vəzifəni icra etdikdən sonra fəaliyyətini yalnız yığmada davam etdirib.