Hazırlıqlarını davam etdirən “Xəzər Lənkəran”da baxışda olan futbolçuların taleyinə aydınlıq gəlib.
Sportarena.az "futbolxeber.az"a istinadən yaydığı xəbərə görə, bu barədə Lənkəran klubunun mətbuat xidmətinin rəhbəri Hüseyn Cəbrayıloğlu məlumat verib.
Klub rəsmisi qeyd edib ki, baş məşqçi Elbrus Məmmədovun qərarına əsasən 5 futbolçu ilə müqavilə imzalanacaq. Söhbət Tural Cəlilov, Nodar Məmmədov, Ruslan Cəfərov, Orxan Səfiyaroğlu və Vaquf Güləliyevdən gedir. Baxışda olan digər futbolçuların hamısı geri göndərilib.