Bu gün İntizam Komitəsinin növbəti iclası keçirilib.
Sportarena.az xəbər verir ki, "Kəpəz" və "Qarabağ" klubunun əvəzedici heyətlərinin cərimələnməsi ilə yanaşı bir sıra qərarlar da qəbul olunub:
29 yanvar 2016-cı il, 2015/2016 mövsümündə, XXIV Topaz Premyer Liqasında çıxış edən klubların əvəzedici heyətlərinin XIX turunun “Kəpəz” – “Qəbələ” matçında “Kəpəz” klubunun 4 futbolçusu sarı vərəqə ilə cəzalandığı üçün klub 500 manat cərimə olunur (maddə 40). Oyunun 17-ci dəqiqəsində “Qəbələ” klubunun 71 №-li futbolçusu Tural Məmmərzəyev ikinci sarı vərəqə alaraq meydandan kənarlaşdırıldığı üçün 1 oyun cəzalanır, klub 100 manat cərimə olunur (maddə 48).
30 yanvar 2016-cı il, 2015/2016 mövsümündə, XXIV Topaz Premyer Liqasında çıxış edən klubların əvəzedici heyətlərinin XIX turunun AZAL – “Qarabağ” matçının 82-cı dəqiqəsində “Qarabağ” klubunun 88 №-li futbolçusu Elçin Rəhimli ikinci sarı vərəqə alaraq meydandan kənarlaşdırıldığı üçün 1 oyun cəzalanır, klub 100 manat cərimə olunur (maddə 48).
25 yanvar 2016-cı il Bakcell U-17 Liqasında “Rəvan” – “Bakı” matçının 3-cü dəqiqəsində “Rəvan” klubunun 4 №-li futbolçusu Cəlal Həsənov sonuncu ümid foluna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).
25 yanvar 2016-cı il Bakcell U-17 Liqasında “Zirə” – AZAL matçının 58-ci dəqiqəsində AZAL klubunun 9 №-li futbolçusu Ənvər Quliyev ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).
28 yanvar 2016-cı il U-16 Liqasında “Vətən” – “İnter” matçının 80-cı dəqiqəsində “Vətən” klubunun 2 №-li futbolçusu Qabil Sabirli ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).
26 yanvar 2016-cı il Boulevard Hotel U-15 Liqasının “Kəpəz” – “Xəzər Lənkəran” matçının 25-ci dəqiqəsində “Xəzər Lənkəran” klubunun 7 №-li futbolçusu Əliağa Məmmədov hakimi təhqir etdiyinə görə qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanır (maddə 42.3).
26 yanvar 2016-cı il Boulevard Hotel U-15 Liqasının “Turan” İB – “Qarabağ” matçında “Turan” İB klubunun iştirak etməməsinə görə kluba 0:3 hesablı texniki məğlubiyyət verilir (maddə 56). Bu hal 3-cü dəfə təkrar olunduğuna görə klub yarışlardan kənarlaşdırılır.