“Oyunçularımızda Premyer Liqa təcrübəsi yoxdur. Onun üzərində işləməliyik. Fiziki durumumuz çox aşağı səviyyədədir. Çalışacağıq ki, növbəti oyunlarda həm fiziki durumumuzu bərpa edək, həm də yaxşı nəticələr qazanaq”
Sportarena.az-ın məlumatına görə, bu sözləri “Qarabağ” – “Xəzər Lənkəran” matçından sonra (3:0) “ağ-yaşıllar”ın baş məşqçisi Elbrus Məmmədov deyib.
Komandanın gələcək planlarından danışan baş məşqçi:
“İlk növbədə əsas məqsədimiz Premyer Liqada qalmaqdır. “Xəzər Lənkəran” futbol məktəbinin yetirmələrini Premyer Liqa səviyyəsinə yüksəldib, təcrübələrindən yararlanmağa çalışacağıq.”
Baş məşqçi komandadan ayrılan Elnur Cəfərov haqda da fikirlərini bildirib:
“Çox istəyərdim ki, Elnur yenidən sıralarımıza geri dönsün. O, artıq seçimini edib. Gələcək karyerasında Elnura uğurlar arzulayıram”.