“Vacib olan 3 xalı qazandıq. Amma indi futbolumuz elə bir yerə çatıb ki, istənilən komanda hətta ən güclü rəqibə qarşı düzgün müdafiə oluna bilir və müqavimət göstərir.”
Sportarena.az xəbər verir ki, bu sözləri Premyer Liqanın XX turunda keçirilən “Qarabağ” - “Xəzər Lənkəran” matçından sonra (3:0) “köhlən atlar”ın baş məşqçisi Qurban Qurbanov deyib:
“Bu gün də biz belə bir halın şahidi olduq. Baxmayaraq ki, “Xəzər Lənkəran” klubu yaxşı günlərini yaşamır, amma bizim üçün çox çətinlik yaratdı. “Xəzər Lənkəran” klubunu təbrik edirəm. Belə bir vəziyyətdə gözəl oyun nümayiş etdilər.”
Baş məşqçi Qara Qarayevin ardıcl 2 oyun əsas heyətə düşə bilməməsinə də fikir bildirib:
“Qara Qarayev bizim əsas oyunçularımızdan biridir. Oyuna buraxılmamasının səbəbi yoxdur. Sadəcə olaraq bu gün meydana belə bir heyət buraxdıq”.