Premyer Liqasının 20-ci turu çərçivəsində keçirilən "Kəpəz" - AZAL qarşılaşmasından sonra meydan sahiblərinin baş məşqçisi Şahin Diniyevin iştirakı ilə mətbuat konfransı keçirilib.
Sportarena.az xəbər verir ki, təcrübəli mütəxəssis qələbədə azarkeşlərin də rolunun olduğunu xüsusi qabardıb.
Millimizin sabiq çalışdırıcısı rəqibin də kifayət qədər güclü və təhlükəli olduğunu vurğulayıb: "Bu cür soyuq havada bizi tək qoymayan azarkeşlərimizə təşəkkürümü bildirirəm. Onların dəstəyi bizim üçün olduqca vacib idi. Futbolçularıma da sərgilədikləri futbola görə minnətdarlığımı bildirirəm. Biz texnikalı futbola üstünlük verən komandayıq. Çempionatın 2-ci yarısına uğurlu start verdik. İlk oyuna 6 xal toplamağımız məni sevindirir. Rəqib isə atletik, mübariz keyfiyyətlərini ortaya qoyan komandadı. Sevindiricidi ki, bugünkü qarşılaşmada AZAL-a bu komponentdə də mübarizə apara bildiyimizi nümayiş etdirdik".
Qeyd edək ki, "Kəpəz" - AZAL matçı 2:0 hesabı ilə meydan sahiblərinin xeyrinə başa çatıb.(Futbolinfo.az)