"Birinci hissədə küləyə qarşı oynadıq. İkinci hissədə qol vəziyyələrimiz oldu. Son nöqtəni qoymaqda çətinlik çəkirik. Bunu aradan qaldırmalıyıq."
Sportarena.az xəbər verir ki, bu sözləri "İnter" - "Qəbələ" matçından(0:1) sonra mətbuat konfrasında "bankirlər"in baş məşqçisi Zaur Svanadze deyib.
Baş məşqçi məşqçi məğlubiyyətin səbəbini komandada qol vura bilən futbolçunun olmaması ilə əlaqələndirib:
"Kənar məsələlərin söhbətə aidiyyatı yoxdur. Komanda maaş alır və rəhbərlik əlindən gələn edir. Komandamızda qol vura bilən hücumçu çatışmır. Sadəcə, bu vəziyyəti düzəltməliyik."
Baş məşqçi zədələnərək meydandan ayrılan müdafiəçi Zurab Xizanişvilinin durumu barədə fikir bildirib:
“Zurabın əzələsində yırtıq var. Dəqiq müayinədən sonra vəziyyət aydınlaşacaq. Ancaq çox böyük ehtimalla, gələn oyunu buraxacaq”.